NON

Un poema contanos historias de amor, de guerra, de saudade, de ledicia e de tristezas, de bágoas e berros, de loita, de vida... Un poema dinos todo, só hai que saber buscar baixo as letras.
VAGALUMEAR nace só ca idea de amosar estes pequenos anacos de arte.


NON
Si dixese que si,

que todo está moi ben,

que o mundo está moi bon,

que cada quené quen...

Conformidá.

Ademiración...

Calar, calar, calar,

emoita precaución.

Si dixese que acaso

as cousas son esí,

porque si,

veleí,

e non lle demos voltas.

(Si aquil está enriba

i aquil outro debaixo

é por culpa da vida.

Si algunhos van de porta en porta

cun saco de cinza ás costas

é porque son unhos docas).

Si dixera que si...

Entón sería o intre

de falar seriamente

da batalla de froles

nas festas do patrón.

Pero non.

Longa noite de pedra, Celso Emilio Ferreiro